LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

پاکستان کا بھارت اور کینیڈا کے درمیان یورینیم سپلائی معاہدے پر تشویش کا اظہار

Web Desk

5 March 2026

پاکستان نے بھارت اور کینیڈا کے درمیان یورینیم کی فراہمی کے معاہدے پر شدید تحفظات کا اظہار کرتے ہوئے اسے خطے کے استحکام کے لیے خطرہ قرار دیا ہے۔ وزارت خارجہ کے ترجمان طاہر حسین اندرابی نے اپنے ایک بیان میں واضح کیا کہ سول نیوکلیئر تعاون کے نام پر بھارت کو دیا جانے والا یہ ایک اور غیر معمولی استثنا ہے جو عالمی قوانین کی روح کے منافی ہے۔

ترجمان دفتر خارجہ نے تاریخی حقائق کی یاد دہانی کرواتے ہوئے کہا کہ 1974 میں بھارت کی جانب سے کیے گئے ایٹمی تجربے ہی نیوکلیئر سپلائرز گروپ (NSG) کے قیام کی بنیادی وجہ بنے تھے۔ انہوں نے اس بات پر زور دیا کہ بھارت نے اب تک اپنی تمام سول نیوکلیئر تنصیبات کو عالمی ایٹمی توانائی ایجنسی (IAEA) کی نگرانی میں نہیں دیا ہے، اور کئی اہم تنصیبات اب بھی بین الاقوامی معائنے سے باہر ہیں۔

پاکستان کا موقف ہے کہ بیرونی ممالک سے یورینیم کی بلا روک ٹوک سپلائی بھارت کو اس قابل بنا سکتی ہے کہ وہ اپنے مقامی وسائل کو صرف جوہری ہتھیاروں کے ذخیرے میں اضافے کے لیے استعمال کرے، جس سے جنوبی ایشیا کا سٹریٹیجک توازن بری طرح متاثر ہوگا۔ ترجمان نے مزید کہا کہ اس طرح کے منتخب استثنا عالمی عدم پھیلاؤ (Non-Proliferation) کے نظام کی ساکھ کو نقصان پہنچاتے ہیں۔

پاکستان نے عالمی برادری پر زور دیا ہے کہ سول نیوکلیئر تعاون کے لیے ایک غیر امتیازی اور اصولوں پر مبنی نظام اپنایا جائے تاکہ کسی ایک ملک کو نوازنے سے خطے میں اسلحے کی دوڑ تیز نہ ہو اور عالمی امن خطرے میں نہ پڑے۔