پاکستان، بحرین کا مختلف شعبوں میں تعاون بڑھانے پر اتفاق

اسلام آباد میں پاکستان اور بحرین کے مشترکہ وزارتی کمیشن (JMC) کے تیسرے اجلاس کے اختتام پر نائب وزیراعظم و وزیرِ خارجہ سناتور اسحاق ڈار اور بحرین کے وزیرِ خارجہ ڈاکٹر عبداللطیف بن راشد الزیانی نے اجلاس کے فیصلے نامے اور پروٹوکول پر باضابطہ دستخط کر دیے ہیں۔ اس پروٹوکول کے تحت دونوں ممالک نے باہمی تجارتی اور معاشی تعلقات کو وسعت دینے کے لیے حکومتی سطح پر ‘جوائنٹ ورکنگ گروپ آن ٹریڈ اینڈ انویسٹمنٹ’ قائم کرنے پر اتفاق کیا ہے۔

معاہدے کے مطابق پاکستان اور بحرین کے درمیان تجارت، سرمایہ کاری، زراعت، غذائی تحفظ، تیل، گیس، معدنیات، بحری امور، انفارمیشن ٹیکنالوجی، صحت، تعلیم اور افرادی قوت کے شعبوں میں جامع تعاون بڑھایا جائے گا۔ اس موقع پر نائب وزیراعظم اسحاق ڈار اور بحرینی وزیرِ خارجہ نے دوطرفہ تجارتی شراکت داری کو نئی بلندیوں تک پہنچانے اور باقاعدہ مشاورت کا فریم ورک برقرار رکھنے کے عزم کا اعادہ کیا۔