حکومت کی کفایت شعاری پالیسی، افسران کی تنخواہ میں کتنی کٹوتی ہوگی؟ نوٹیفکیشن جاری
Web Desk
14 March 2026
وفاقی حکومت نے کفایت شعاری پالیسی کے تحت مزید اقدامات نافذ کرتے ہوئے اعلیٰ سرکاری افسران کی تنخواہوں میں دو ماہ کے لیے کٹوتی کا نوٹی فکیشن جاری کر دیا ہے۔
حکومتی اعلامیے کے مطابق یہ رقم وزیر اعظم کفایت شعاری فنڈ دو ہزار چھبیس میں جمع کرائی جائے گی۔
تفصیلات کے مطابق حکومت نے ایندھن کی بچت اور اخراجات میں کمی کے لیے آئندہ دو ماہ تک تمام سرکاری غیر ملکی دوروں پر مکمل پابندی عائد کر دی ہے۔
نوٹی فکیشن کے مطابق یہ فیصلہ سرکاری کارپوریشنز، خودمختار اداروں، ضابطہ کار اتھارٹیز اور سرکاری ملکیتی اداروں کے اعلیٰ افسران پر لاگو ہوگا۔
نوٹی فکیشن میں بتایا گیا ہے کہ 3 لاکھ سے 10 لاکھ روپے ماہانہ تنخواہ لینے والے افسران کی تنخواہ سے 5 فیصد، 10 لاکھ سے 20لاکھ روپے تنخواہ والوں سے 15 فیصد، 20 لاکھ سے 30 لاکھ روپے تنخواہ والوں سے 25فیصد جبکہ 30 لاکھ روپے سے زائد تنخواہ لینے والوں سے 30 فیصد کٹوتی 2 ماہ کے لیے کی جائے گی۔
اسی طرح سرکاری نامزد افراد کو سرکاری اور نجی کمپنیوں کے بورڈ اجلاسوں میں ملنے والی مکمل فیس بھی آئندہ دو ماہ تک وزیر اعظم کفایت شعاری فنڈ میں جمع کرائی جائے گی۔
حکومت نے وزارت خارجہ کو ہدایت دی ہے کہ تئیس مارچ دو ہزار چھبیس کو بیرون ملک پاکستانی سفارت خانوں میں تقریبات کے بجائے سادہ پرچم کشائی کی جائے۔
اس کے علاوہ بیرون ملک مشنز کے بجٹ میں چوتھی سہہ ماہی کے لیے بیس فیصد کمی اور افسران کی دو روزہ تنخواہ کی کٹوتی بھی نافذ کی جائے گی۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026