سفیرِ پاکستان کی چیئرمین امریکی خارجہ امور کمیٹی سے ملاقات؛ خطے میں امن کے لیے پاکستان کے کلیدی کردار کا اعتراف

امریکہ میں پاکستان کے سفیر رضوان سعید شیخ نے امریکی کانگریس کی امورِ خارجہ کمیٹی کے چیئرمین برائن ماسٹ سے اہم ملاقات کی، جس میں علاقائی و عالمی صورتحال پر تفصیلی اور تعمیری تبادلہ خیال کیا گیا۔ ملاقات کے دوران چیئرمین برائن ماسٹ نے مشرقِ وسطیٰ اور خطے میں امن کے فروغ کے لیے پاکستان کے کلیدی کردار کا اعتراف کیا، جس پر سفیرِ پاکستان نے ان کا شکریہ ادا کیا۔ پاکستانی سفیر نے اس عزم کا اعادہ کیا کہ پاکستان تنازعات کے حل کے لیے مکالمے کے فروغ اور مثبت کردار جاری رکھے گا۔ دونوں رہنماؤں نے ابھرتے ہوئے عالمی منظرنامے میں پاک-امریکہ شراکت داری کو مزید مستحکم کرنے اور دوطرفہ تعاون کے نئے امکانات پر بھی غور کیا۔