کابل اور ننگرہار میں فوجی تنصیبات کو نشانہ بنایا گیا: وفاقی وزیر اطلاعات

وفاقی وزیرِ اطلاعات عطاء اللہ تارڑ نے سماجی رابطے کی ویب سائٹ ‘ایکس’ پر ایک اہم ویڈیو بیان جاری کرتے ہوئے تصدیق کی ہے کہ پاک فوج نے 16 مارچ کی رات افغانستان کے علاقوں کابل اور ننگرہار میں دہشت گردوں کی معاونت کرنے والی فوجی تنصیبات کو نشانہ بنایا ہے۔ یہ کارروائیاں آپریشن غضب لِلحق کے تحت کی گئیں، جس کا مقصد سرحد پار سے ہونے والی دہشت گردی کا قلع قمع کرنا ہے۔

وفاقی وزیر نے واضح کیا کہ ان حملوں میں صرف ان مخصوص اہداف کو نشانہ بنایا گیا جو فتنہ الخوارج اور دیگر دہشت گرد گروہوں کی لاجسٹک اور تکنیکی معاونت کے لیے استعمال ہو رہے تھے۔