ٹی ٹوئنٹی ورلڈکپ، سپر8میں پاکستان اورنیوزی لینڈکا ٹاکراہفتے کو ہوگا، بارش کاامکان

ٹی ٹوئنٹی ورلڈکپ میں پاکستان کے سفرکا اگلا مرحلہ ہفتے کو شروع ہوگا سپر8 مرحلے میں پاکستان نیوزی لینڈکے خلاف مدمقابل ہوگا۔ تاہم میچ میں بارش کی انٹری کابھی امکان ظاہرکردیاگیاہے۔

سپر 8 مرحلے میں ہفتے کو پاکستان اور نیوزی لینڈ کا ٹاکرا کولمبو کے آر پریماداسا اسٹیڈیم  میں ہوگا۔محکمہ موسمیات کے مطابق کولمبومیں بارش کا 74فیصد امکان ہے جبکہ تیزہوائیں چلنے کی بھی پیش گوئی کی گئی ہے۔

انٹرنیشنل کرکٹ کونسل کے قوانین کے مطابق ٹی ٹوئنٹی ورلڈ کپ 2026 کے سپر 8 میچز کے لیے کوئی ریزرو ڈے مختص نہیں کیا گیا۔اگر بارش کے باعث دونوں ٹیمیں کم از کم فی اننگز 5 اوورز بھی نہ کھیل سکیں تو میچ منسوخ  ہوگا اور دونوں ٹیموں کو ایک، ایک پوائنٹ مل جائے گا۔