پاک چین8 روزہ  مشترکہ بحری مشق سی گارڈین 4 کراچی میں اختتام پذیر

پاکستان اورچین کی مشترکہ بحری مشق سی گارڈین 4 کراچی میں اختتام پذیر ہوگئی۔آئی ایس پی آرکے مطابق مشق 25مارچ کوشروع ہونے والی مشق دو مراحل پر مشتمل تھی۔ جس میں پانچ روزہ کراچی  پورٹ  کا دورہ اور شمالی بحیرۂ عرب میں دو روزہ سی فیز  شامل تھے

ہاربر فیز کے دوران دونوں ممالک کےبحری جہازوں پر دورے،  پیشہ ورانہ مباحثے،  بحری تنصیبات کے دورے، سیمینار اور سی فیز کی تیاری شامل تھی۔

پورٹ وزٹ کے اختتام پر پاک بحریہ اور چینی بحریہ کے جہازوں نے سمندر میں مشترکہ مشقیں کیں، سی فیز کے دوران دفاعی مشقیں،  پاک بحریہ کی آبدوز کے ساتھ مشقیں اور لائیو گنری فائرنگ شامل تھی۔

مشق سی گارڈین 4 کے کامیاب اختتام کے بعد پاک بحریہ اور پی ایل اے  نے بحیرۂ عرب میں مشترکہ پیٹرول بھی کیا، مشق سی گارڈین 4 خطے میں سمندری سلامتی اور استحکام کے لیے دونوں بحری افواج کے عزم کا مظہر ہے۔