پاک افغان سرحد میدانِ جنگ بن گئی؛ حملوں میں تیزی، دونوں جانب سے ہلاکتوں کے دعوے

پاک افغان سرحد پر حالات کشیدہ ہو گئے ہیں، جہاں دونوں ممالک کی افواج کے درمیان شدید جھڑپیں جاری ہیں۔ پاکستان نے دعویٰ کیا ہے کہ اس نے افغان طالبان کے ٹھکانوں کو نشانہ بنا کر 133 اہلکاروں کو ہلاک کر دیا ہے، جبکہ افغان طالبان کے ترجمان ذبیح اللہ مجاہد نے جوابی کارروائی میں 55 پاکستانی اہلکاروں کی اموات اور متعدد چیک پوسٹس تباہ کرنے کا دعویٰ کیا ہے۔ پاکستان کی جانب سے کابل اور قندھار سمیت مختلف علاقوں میں فضائی کارروائیوں کی اطلاعات ہیں، تاہم افغان حکام کا کہنا ہے کہ ان کے دفاعی اہداف کو نشانہ بنایا گیا مگر کوئی جانی نقصان نہیں ہوا۔ سرحدی علاقوں میں ہائی الرٹ برقرار ہے اور فائرنگ کا تبادلہ وقفے وقفے سے جاری ہے۔