آزاد کشمیر میں ہمارا مینڈیٹ دو بار چوری ہوا،بلاول بھٹو زرداری
Web Desk
18 November 2025
پاکستان پیپلزپارٹی کے چیئرمین بلاول بھٹو زرداری نے کہا ہے کہ پی ٹی آئی کے دورِ حکومت میں آزاد کشمیر میں پیپلزپارٹی کا مینڈیٹ چوری کیا گیا۔ سازش کے تحت ہمارے حقِ حکمرانی پر ڈاکا ڈالا گیا اور ہمارا مینڈیٹ چھین کر ایک کٹھ پتلی کو وزیر اعظم بنایا گیا۔ انہوں نے واضح کیا کہ ایک نہیں بلکہ دو مرتبہ آزاد کشمیر میں ہمارا مینڈیٹ چرایا گیا۔
بلاول بھٹو زرداری کا کہنا تھا کہ پی ڈی ایم کے دور میں آزاد کشمیر کے فیصلے کو قبول تو کیا تھا مگر دل اس پر مطمئن نہیں تھا۔ ماضی کے غلط فیصلوں کے باعث کشمیر میں سیاسی خلا پیدا ہوا، جس کا اثر عوام نے بھی محسوس کیا۔ انہوں نے کہا کہ کشمیری عوام کا جو سیاسی منشور ہے وہ کسی اور کے پاس نہیں، صرف پیپلزپارٹی ہی عوام کی حقیقی نمائندہ ہے۔
انہوں نے اپنے امیدوار فیصل راٹھور کے متعلق کہا کہ انہوں نے جو وعدے کیے ہیں وہ کشمیری عوام کی امانت ہیں، اور ان وعدوں پر عملدرآمد ہر صورت یقینی بنایا جائے گا۔ بلاول بھٹو نے کہا کہ جس منشور کی بنیاد پر عوام نے ہمیں مینڈیٹ دیا ہے، اسے پورا کرنا ہماری ذمہ داری ہے۔
چیئرمین پیپلزپارٹی نے مزید کہا کہ چھ ماہ کی حکومت پیپلزپارٹی کے لیے ایک امتحان ہے، مگر ہم بند کمروں میں نہیں بلکہ عوام کے درمیان بیٹھ کر حکومت چلائیں گے۔بھارت کی شکست کے حوالے سے بلاول بھٹو نے کہا کہ ہم نے معرکۂ حق میں بھارت کو عبرتناک شکست دی، اب جہاں بھی ان کا نمائندہ جاتا ہے لوگ اسے یاد دلاتے ہیں کہ پاکستان نے آپ کے سات جہاز گرائے تھے۔
بلاول بھٹو کا کہنا تھا کہ پیپلزپارٹی اپنی جدوجہد جاری رکھے گی اور کشمیری عوام کے مینڈیٹ کا ہر قیمت پر احترام کرے گی
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026