علامہ اقبال اوپن یونیورسٹی میں انٹرنیشنل ایجوکیشن سمٹ 2025 کا انعقاد

یو کے انٹرنیشنل ڈویلپمنٹ کے زیر اہتمام علامہ اقبال اوپن یونیورسٹی اسلام آباد میں انٹرنیشنل ایجوکیشن سمٹ 2025 کا انعقاد کیا گیا، جس میں تعلیمی و تحقیقی شعبے سے وابستہ ممتاز شخصیات نے شرکت کی۔

سمٹ میں برطانوی ہائی کمشنر جین میرٹ نے بطور خصوصی مہمان شرکت کی اور تعلیم، تحقیق اور بین الاقوامی تعلیمی تعاون کی اہمیت پر روشنی ڈالی۔ انہوں نے پاکستان اور برطانیہ کے درمیان تعلیمی شراکت داری کو مزید فروغ دینے کی ضرورت پر زور دیا۔انٹرنیشنل ایجوکیشن سمٹ میں مختلف جامعات سے تعلق رکھنے والے ریسرچرز، اسکالرز اور اکڈمیک ماہرین نے شرکت کی، جنہوں نے جدید تعلیمی رجحانات، تحقیق کے نئے مواقع اور عالمی سطح پر تعلیمی معیار کو بہتر بنانے سے متعلق خیالات کا تبادلہ کیا۔شرکاء کا کہنا تھا کہ اس نوعیت کی سمٹس تعلیمی شعبے میں جدت، تحقیق اور بین الاقوامی روابط کے فروغ میں اہم کردار ادا کرتی ہیں۔