اپوزیشن اتحاد کی آج مولانا فضل الرحمان سے ملاقات طے، خیبرپختونخوا کی صورتحال اور پارلیمانی امور پر مشاورت ہوگی

اپوزیشن اتحاد کی اہم جماعتوں کے رہنماؤں کی جمیعت علمائے اسلام (جے یو آئی) کے سربراہ مولانا فضل الرحمان کے ساتھ آج شام اہم ملاقات طے پا گئی ہے۔ ذرائع کے مطابق اپوزیشن اتحاد کا ایک وفد آج شام 7 بجے مولانا فضل الرحمان کی رہائش گاہ پر ان سے ملاقات کرے گا، جس میں بیرسٹر گوہر، اسد قیصر، سلمان اکرم راجہ اور علامہ راجہ ناصر عباس سمیت دیگر رہنما شامل ہوں گے۔ ملاقات کے دوران خیبرپختونخوا کی مجموعی سیاسی صورتحال، حکومت کے ساتھ حالیہ مذاکرات اور ان کی ناکامی کے بعد کی صورتحال سمیت دیگر اہم پارلیمانی ایشوز پر تفصیلی مشاورت کی جائے گی۔