آپریشن غضب للحق: 527 خوارج ہلاک، 237 پوسٹیں تباہ کر دیں: عطا تارڑ

اسلام آباد: وفاقی وزیرِ اطلاعات و نشریات عطا اللہ تارڑ نے آپریشن “غضب للحق” کی تازہ ترین صورتحال سے آگاہ کر دیا۔

وفاقی وزیرِ اطلاعات کے مطابق آپریشن کے دوران کارروائیوں میں افغان طالبان کو بھاری نقصان اٹھانا پڑا ہے۔ اب تک افغان طالبان رجیم کے 527 کارندے ہلاک جبکہ 755 سے زائد زخمی ہو چکے ہیں۔عطا اللہ تارڑ کا کہنا تھا کہ کارروائیوں کے نتیجے میں دشمن کی 237 چیک پوسٹیں تباہ کر دی گئی ہیں جبکہ 38 چیک پوسٹوں پر قبضہ بھی کر لیا گیا ہے۔انہوں نے مزید بتایا کہ آپریشن کے دوران افغان طالبان کے 205 ٹینک، بکتر بند گاڑیاں اور آرٹلری گنز بھی تباہ کر دی گئی ہیں۔

وزیرِ اطلاعات کے مطابق فضائی کارروائیوں کے دوران افغانستان کے مختلف علاقوں میں 62 مقامات کو مؤثر طریقے سے نشانہ بنایا گیا، جہاں دہشت گردوں کے ٹھکانوں اور عسکری تنصیبات کو نقصان پہنچایا گیا۔عطا اللہ تارڑ نے کہا کہ آپریشن کے مقاصد کے حصول کے لیے کارروائیاں جاری ہیں اور سکیورٹی فورسز دشمن کے خلاف مؤثر حکمتِ عملی کے ساتھ پیش قدمی کر رہی ہیں۔