حقائق سے انکار صرف اندھا یا بہرہ شخص ہی کر سکتا ہے،راجا ناصر عباس

اسلام آباد: سینیٹر علامہ راجا ناصر عباس نے پارلیمنٹ ہاؤس میں میڈیا سے گفتگو کرتے ہوئے کہا کہ اچکزئی صاحب آج آ رہے ہیں، سب مل کر آئندہ لائحہ عمل طے کریں گے۔
انہوں نے کہا کہ حقائق سے انکار صرف اندھا یا بہرہ شخص ہی کر سکتا ہے۔ کسی جماعت کا ووٹ چھیننا ضمیر کی آواز نہیں بلکہ بے ضمیر لوگوں کا کام ہے۔
ان کا کہنا تھا کہ حکومت کے رہنما اس قدر خوفزدہ ہیں کہ ان کے منہ سے بات تک نہیں نکلتی۔

سینیٹر ناصر عباس نے کہا کہ اب کوشش کرنا ہوگی کہ غلام بنائے گئے افراد کو بھی آزاد کرایا جائے۔
انہوں نے مزید کہا کہ اپوزیشن کا بنیادی کردار ظلم اور ناانصافی کے خلاف مزاحمت کرنا ہے۔