آبنائے ہرمز کشیدگی: امریکی خام تیل کی قیمت میں دو فیصد اضافہ

عالمی منڈی میں خام تیل کی قیمتوں میں اضافہ ریکارڈ کیا گیا ہے جس کے بعد امریکی خام تیل کی قیمت دو فیصد اضافے کے ساتھ 102 ڈالر فی بیرل تک پہنچ گئی ہے۔
اسی طرح برینٹ خام تیل کی قیمت بھی بڑھ کر 106 ڈالر فی بیرل ہو گئی ہے۔
امریکی اخبار کے مطابق بڑی تیل کمپنیوں نے ٹرمپ انتظامیہ کو خبردار کیا ہے کہ توانائی کا بحران مزید شدت اختیار کر سکتا ہے۔
رپورٹ کے مطابق چیورون، ایکسون اور کونوکو فلپس کمپنیوں کے سربراہوں نے خبردار کیا ہے کہ آبنائے ہرمز کی بندش کے باعث عالمی توانائی بحران مزید سنگین ہو سکتا ہے۔
ماہرین کے مطابق آبنائے ہرمز کی بندش عالمی سطح پر تیل کی ترسیل اور قیمتوں کو متاثر کر رہی ہے۔
واضح رہے کہ آبنائے ہرمز کھلوانے کے لیے ٹرمپ کی اپیل پر دنیا بھر سے تاحال واضح ردعمل سامنے نہیں آیا جبکہ جاپان نے بھی اس علاقے میں اپنے بحری جہاز بھیجنے سے انکار کر دیا ہے۔