وگرا کا ایل پی جی کی قیمتوں میں اضافے کی خبروں کی تردید

اوگرا نے ایل پی جی کی قیمتوں میں اضافے کی خبروں کو بے بنیاد قرار دیتے ہوئے واضح کیا ہے کہ ایل پی جی کی نئی قیمتوں کا کوئی نوٹیفکیشن جاری نہیں ہوا۔

ترجمان اوگرا کے مطابق، ایل پی جی کی قیمتیں ہر ماہ کی پہلی تاریخ کو مقرر کی جاتی ہیں اور موجودہ نوٹیفائیڈ نرخ بدستور نافذ العمل ہیں۔

اوگرا نے کہا کہ زائد قیمت وصول کرنے والوں کے خلاف ضلعی انتظامیہ کو شکایت دی جا سکتی ہے۔ ادارے نے ملک بھر میں ایل پی جی مارکیٹ میں شفافیت یقینی بنانے اور صارفین کے مفادات کے تحفظ کے عزم کا بھی اعادہ کیا۔