نیتن یاہو ہولناک نسل کشی کے معمار، فلسطینیوں بارے جھوٹ پھیلاتے ہیں، ظہران ممدانی

نیویارک کے پہلے مسلمان میئر ظہران ممدانی نے اسرائیلی وزیراعظم بینجمن نیتن یاہو کی جانب سے اقوامِ متحدہ کی جنرل اسمبلی (UNGA) میں خود پر کی جانے والی براہِ راست تنقید کا سخت اور کرارا جواب دیتے ہوئے انہیں “ہولناک نسل کشی کا معمار” قرار دیا ہے۔ نیتن یاہو نے اپنے خطاب میں ظہران ممدانی کو “یہود مخالف میئر” قرار دیتے ہوئے طنز کیا تھا کہ وہ انہیں نیویارک آنے اور بولنے سے روکنے میں ناکام رہے، جس کے جواب میں میئر نے نیتن یاہو پر فلسطینیوں پر جاری مظالم اور جنگ کے حوالے سے عالمی برادری سے جھوٹ بولنے کا الزام عائد کیا۔

ظہران ممدانی نے واضح کیا کہ نیتن یاہو کو بین الاقوامی فوجداری عدالت (ICC) کی جانب سے جنگی جرائم اور انسانیت کے خلاف جرائم پر وارنٹِ گرفتاری کا سامنا ہے اور وہ غزہ کے انسانی بحران پر پردہ ڈالنے کے لیے اقوامِ متحدہ جیسے اہم عالمی پلیٹ فارم کا سہارا لے رہے ہیں۔ میئر نیویارک نے نیتن یاہو کے بیانات پر ردِعمل میں اپنی سرکاری رہائش گاہ گریسی مینشن میں غزہ سے تعلق رکھنے والے متاثرہ فلسطینی خاندانوں کے ساتھ زیتون کا درخت لگانے کی ویڈیو شیئر کی اور پیغام دیا کہ ہماری تمام تر دعائیں خطے میں پائیدار امن کے قیام کے لیے ہیں۔