اداکار نعمان اعجاز کا خلیل الرحمان قمر کی تنقید پر جواب

کراچی: ٹیلیویژن اداکار نعمان اعجاز نے مصنف اور ہدایت کار خلیل الرحمان قمر کے حالیہ سخت اور متنازع بیانات پر معتدل اور شائستہ انداز میں اپنا ردعمل ظاہر کیا ہے۔

نجی ٹی وی چینل پر گفتگو کے دوران خلیل الرحمان قمر نے کہا تھا کہ وہ ذاتی طور پر نعمان اعجاز کو پسند نہیں کرتے اور ان سے نفرت رکھتے ہیں، جس کے باعث سوشل میڈیا پر تنقید اور بحث کا سلسلہ شروع ہو گیا۔

نعمان اعجاز نے کہا کہ ہر شخص اپنی رائے رکھنے کا حق رکھتا ہے، اور ان بیانات کی وضاحت خلیل الرحمان قمر خود کر سکتے ہیں۔ انہوں نے زور دیتے ہوئے کہا کہ وہ عوامی شخصیت ضرور ہیں، لیکن عوامی ملکیت نہیں، اور لوگوں کو ان کی ذاتی زندگی اور خاندان کے بارے میں نامناسب تبصرے کرنے سے گریز کرنا چاہیے۔