نیو یارک کے پہلے مسلم میئر زہران ممدانی نے شہریوں کے تحفظ کا وعدہ کر دیا

نیو یارک کے 34 سالہ زہران ممدانی نے شہر کے پہلے مسلم میئر کے طور پر حلف اٹھا لیا۔ انہوں نے قرآن پاک پر ہاتھ رکھ کر عہدے کا حلف لیا، جس میں اپنے دادا اور دادی کے قرآن استعمال کیے گئے۔

سٹی ہال میں منعقدہ تقریب میں رکن کانگریس برنی سینڈرز نے زہران ممدانی سے حلف لیا۔ تقریب میں شہریوں کی بڑی تعداد نے شرکت کی، باوجود اس کے کہ درجہ حرارت منفی 4 ڈگری سینٹی گریڈ تھا۔

عہدہ سنبھالتے ہی ممدانی نے خطاب میں کہا کہ آج سے نئے عہد کا آغاز ہو گیا ہے اور میں نیو یارک کے شہریوں کے لیے بلاتفریق کھڑا رہوں گا۔ انہوں نے شہریوں کے تحفظ اور حقوق کے لیے بھرپور کوشش کرنے کا وعدہ کیا۔

زہران ممدانی نے کہا کہ نیو یارک کا میئر بننا میرے لیے اعزاز ہے اور میں ہر طرح کے حالات میں شہریوں کے ساتھ کھڑا رہوں گا۔

انہوں نے یہ بھی بتایا کہ وہ ایک صدی میں کم عمر ترین میئر بن گئے ہیں، جس کے ساتھ نیو یارک کے پہلے مسلم میئر ہونے کا اعزاز بھی حاصل کیا ہے۔