کراچی: ڈیفنس خیابانِ بخاری کے فلیٹ میں خواتین کا جھگڑا، نئی فوٹیج سامنے آگئی

کراچی کے علاقے ڈیفنس خیابانِ بخاری کے ایک فلیٹ میں خواتین کے درمیان ہونے والے جھگڑے کی نئی سی سی ٹی وی فوٹیج منظرِ عام پر آ گئی ہے۔ واقعے کو 9 دن گزرنے کے باوجود پولیس کی جانب سے کوئی واضح موقف سامنے نہیں آ سکا، جبکہ نئی ویڈیو میں پولیس اہلکار ایک نوجوان کو گھسیٹتے ہوئے لے جاتے دکھائی دے رہے ہیں اور موقع پر سرکاری ڈالا بھی موجود ہے۔ اس پیش رفت کے بعد علاقہ مکینوں اور عوام کی جانب سے سوالات اٹھائے جا رہے ہیں کہ موقع پر پولیس کو کس نے طلب کیا اور وہاں موجود سرکاری گاڑی کس کی تھی؟ تاہم پولیس حکام ان سوالات پر مکمل خاموشی اختیار کیے ہوئے ہیں اور واقعے کے اصل حقائق اب بھی پردۂ راز میں ہیں۔