جدہ میں نئی چانسلری، قونصلر سہولیات میں نمایاں بہتری، عمارت کا دورہ اور افتتاح

نائب وزیراعظم و وزیر خارجہ سینیٹر محمد اسحاق ڈار نے جدہ میں پاکستان کے قونصلیٹ جنرل کی نئی چانسلری عمارت کا دورہ اور افتتاح کیا، جہاں جدید سہولیات پر اطمینان کا اظہار کیا گیا۔ افتتاحی تقریب میں منصوبے کی خصوصیات پر مبنی مختصر ویڈیو رپورٹ بھی پیش کی گئی۔

وزیر خارجہ نے قونصلر سروسز فوری طور پر نئی عمارت منتقل کرنے کی ہدایت جاری کرتے ہوئے کہا کہ مغربی سعودی عرب میں مقیم تقریباً 18 لاکھ پاکستانیوں کے لیے یہ نئی عمارت سہولیات میں نمایاں بہتری لائے گی۔ نئی چانسلری عمارت پاکستان اور سعودی عرب کے مضبوط اور دیرینہ تعلقات کی عکاس ہے اور اس سے قونصلر خدمات مزید تیز، مؤثر اور عوام دوست بن سکیں گی۔