نیپال: ہندو انتہا پسندوں کی مسجد پر حملے کے بعد برگنج میں کرفیو نافذ

نیپال: نیپال میں ہندو انتہا پسندوں کی جانب سے مسجد میں لوٹ مار اور مسلمانوں کی املاک پر حملوں کے بعد سرحدی شہر برگنج میں کرفیو نافذ کر دیا گیا ہے۔

حکام کے مطابق برگنج شہر میں سڑک پر موجود افراد یا مظاہرہ کرنے والوں کو روکنے کے لیے کرفیو اور حفاظتی اقدامات کے ساتھ گولی مارنے کے احکامات بھی جاری کیے گئے ہیں۔

شہر دارالحکومت کٹھمنڈو سے 130 کلومیٹر جنوب میں واقع ہے، جہاں اتوار کو ہندو انتہا پسندوں نے مسجد میں لوٹ مار کی تھی، جس کے بعد مقامی مسلمان برادری میں شدید غصہ پایا گیا ہے۔