ٹرانسپورٹرز اور حکومت کے درمیان مذاکرات کامیاب، ہڑتال ختم

گڈز ٹرانسپورٹرز اور حکومت کے درمیان جاری مذاکرات کامیاب ہو گئے ہیں، اور حکومتی مذاکراتی کمیٹی نے ٹرانسپورٹرز کے مطالبات تسلیم کر لیے ہیں۔ ملک شہزاد اعوان نے بتایا کہ “نوٹیفکیشن ملتے ہی ہم ہڑتال ختم کرنے کا اعلان کریں گے۔”

صدر گڈز ٹرانسپورٹرز الائنس نے کہا کہ “وعدے کے مطابق ہمیں نوٹیفکیشن کا انتظار ہے اور ہم احتجاجی کیمپ میں موجود ہیں۔”واضح رہے کہ ملک گیر ہڑتال کے باعث سامان کی ترسیل میں خلل پیدا ہوا تھا اور مختلف شہروں میں مال برداری متاثر ہوئی تھی۔ حکومتی نوٹیفکیشن کے بعد ہڑتال کے فوری خاتمے کی توقع ہے۔