خیبر پختونخوا کے پہاڑی علاقوں میں 19 سے 22 اگست تک لینڈ سلائیڈنگ کا الرٹ جاری

نیشنل ڈیزاسٹر مینجمنٹ اتھارٹی (این ڈی ایم اے) کے نیشنل ایمرجنسیز آپریشن سینٹر (این ای او سی) نے خیبر پختونخوا کے حساس پہاڑی علاقوں میں 19 سے 22 اگست کے دوران شدید لینڈ سلائیڈنگ، پتھر گرنے اور ملبے کے بہاؤ کے خطرے کے پیش نظر ہائی الرٹ جاری کر دیا ہے۔ این ڈی ایم اے کے مطابق ملاکنڈ، سوات، دیر، شانگلہ، چترال، کوہستان، مانسہرہ اور گلیات کے اضلاع شدید متاثر ہو سکتے ہیں، جس سے قراقرم ہائی وے اور این-45 جیسے اہم شاہراہوں پر ٹریفک معطل اور دور دراز علاقوں کا زمینی رابطہ منقطع ہونے کا خدشہ ہے۔ انتظامیہ نے متعلقہ اضلاع اور ریسکیو اداروں کو الرٹ رہنے اور مشینری تیار رکھنے کی ہدایت کی ہے، جبکہ شہریوں اور سیاحوں کو غیر ضروری سفر سے گریز کرنے اور ‘پاک این ڈی ایم اے ڈیزاسٹر الرٹ’ ایپ کے ذریعے معلومات حاصل کرنے کا مشورہ دیا ہے۔