نواز شریف ایک ہفتے کے دورے پر لندن پہنچیں گے

پاکستان مسلم لیگ (ن) کے قائد اور سابق وزیراعظم میاں محمد نواز شریف ایک ہفتے کے مختصر دورے پر برطانیہ روانہ ہو رہے ہیں، جہاں وہ برطانوی وقت کے مطابق شام چھ بجے کے قریب لنڈن پہنچیں گے۔ ذرائع کے مطابق اپنے اس قیام کے دوران میاں نواز شریف اپنا باقاعدہ طبی معائنہ (میڈیکل چیک اپ) کروائیں گے اور مختلف سیاسی و ذاتی ملاقاتوں میں شرکت کریں گے۔

ذریعے کے مطابق ان کے صاحبزادے حسن نواز بھی اس سفر کے دوران ان کے ہمراہ لندن پہنچ رہے ہیں۔ توقع کی جا رہی ہے کہ لندن میں قیام کے دوران میاں نواز شریف پاکستان میں جاری حالیہ سیاسی و معاشی پیش رفت اور پارٹی معاملات پر بھی اہم مشاورت کریں گے۔