پشاور میں سکول کی چھت گرنے کے واقعے پر افسوس ہے: نواز شریف

پاکستان مسلم لیگ (ن) کے قائد اور سابق وزیرِ اعظم میاں نواز شریف نے پشاور کے نجی اسکول میں چھت گرنے کے دلخراش واقعے پر شدید رنج و غم اور افسوس کا اظہار کیا ہے۔

لندن میں ایون فیلڈ آمد کے موقع پر ذرائع ابلاغ سے مختصر گفتگو کرتے ہوئے نواز شریف نے حادثے میں ہونے والے جانی نقصان پر افسوس ظاہر کیا۔ اس موقع پر نجی تعلیمی اداروں کی عمارتوں کی حالتِ زار کے حوالے سے پوچھے گئے سوال پر انہوں نے کہا کہ وزیرِ اعلیٰ پنجاب مریم نواز پہلے ہی اسکولوں کی بہتری اور معیار سے متعلق کام کر رہی ہیں۔

ملک میں سیکیورٹی صورتحال اور دہشت گردی سے متعلق ایک سوال کے جواب میں نویض شریف نے کہا کہ پاکستان دہشت گردی کے بنیادی مسئلے کی حساسیت کو بخوبی سمجھتا ہے اور اس کا نوٹس بھی لے رہا ہے۔ میڈیا کی جانب سے ان کی اپنی صحت کے بارے میں پوچھے گئے سوال پر مسلم لیگ (ن) کے قائد نے “شکر ہے اللہ کا” کہہ کر جواب دیا۔