نواب شاہ مبینہ پولیس مقابلے میں ایک ڈاکو ہلاک، 3 ساتھی فرار

نواب شاہ کے علاقے بی سیکشن تھانے کی حدود میں مبینہ پولیس مقابلے کے دوران ایک خطرناک ڈاکو ہلاک ہو گیا، جبکہ اس کے تین ساتھی اندھیرے کا فائدہ اٹھاتے ہوئے فرار ہونے میں کامیاب ہو گئے۔

پولیس حکام کے مطابق ہلاک ہونے والے ڈاکو کی شناخت اعجاز چانڈیو کے نام سے ہوئی ہے۔ پولیس کا کہنا ہے کہ ملزم انتہائی مطلوب تھا اور وہ پولیس ہیڈ کانسٹیبل اے ڈی سولنگی کے قتل کیس میں ملوث تھا۔ ہلاک ڈاکو اعجاز چانڈیو پر 15 سے زائد سنگین نوعیت کے مقدمات درج تھے۔  قتل، ڈکیتی اور دیگر سنگین جرائم میں پولیس کو انتہائی مطلوب تھا۔ پولیس کی جانب سے علاقے میں ناکہ بندی کر کے فرار ہونے والے ڈاکوؤں کی تلاش کے لیے سرچ آپریشن شروع کر دیا گیا ہے، تاکہ ان کے دیگر ساتھیوں کو جلد از جلد گرفتار کیا جا سکے۔