قومی انڈر 17 اسنوکر چیمپئن شپ: پنجاب کے فرحان علی چیمپئن بن گئے

قومی انڈر 17 نیشنل اسنوکر چیمپئن شپ میں پنجاب کے فرحان علی نے شاندار کارکردگی کا مظاہرہ کرتے ہوئے ٹائٹل اپنے نام کر لیا۔ فائنل مقابلے میں فرحان علی نے اسلام آباد کے دانیال شہزاد کو بغیر کوئی فریم ہارے 0-4 سے شکست دی۔

سیمی فائنلز میں فرحان علی نے موسیٰ تنویر جبکہ دانیال شہزاد نے محمد کاسان کو مات دے کر فائنل تک رسائی حاصل کی تھی۔

انڈر 17 نیشنل اسنوکر چیمپئن شپ میں ملک بھر سے 16 کھلاڑیوں نے شرکت کی، جنہوں نے اعلیٰ معیار کا کھیل پیش کیا۔

دریں اثنا نیشنل جونیئر انڈر 21 اسنوکر چیمپئن شپ کا آغاز جمعرات سے کراچی میں ہوگا، جس میں ملک کے ابھرتے ہوئے نوجوان کھلاڑی حصہ لیں گے۔