قومی اسمبلی میں حکومت کودھچکا، فرنٹیئرکانسٹیبلری سے متعلق بل منظورکرانے میں ناکام
Web Desk
12 March 2026
قومی اسمبلی میں حکومت کو بڑا دھچکا، کورم پورا نہ ہونے پر حکومت فرنٹیئر کانسٹیبلری سے متعلق بل منظور کرانے میں ناکام ہو گئی، حکومت کی اتحادی جماعت ایم کیو ایم پاکستان نے نوید قمر کی ترمیم پر اعتراض اٹھاتے ہوئے احتجاجا واک آؤٹ کردیا،اپوزیشن نے ضمنی ایجنڈے پر بل لانے پر شدید احتجاج کیا اور کورم کی نشاندہی کی۔
قومی اسمبلی کا اجلاس ڈپٹی اسپیکر سید غلام مصطفیٰ شاہ کی صدارت میں ہوا، اجلاس کے آغاز پر ہی اقبال آفریدی نے کورم کی نشاندہی کردی، گنتی کرانے پر کورم پورا نہ نکلا، اجلاس کی کارروائی کورم پورا ہونے تک ملتوی کی گئی
بعد میں کورم پورا ہونے پر اجلاس کی کارروائی دوبارہ شروع ہوئی، طارق فضل چوہدری نے پاکستان ایئرپورٹس اتھارٹی ترمیمی بل اور علاقہ دارالحکومت اسلام آباد مقامی حکومت ترمیمی آرڈیننس ایوان کے سامنے پیش کئے ،اجلاس کے دوران اقبال اکیڈمی ترمیمی بل منظور کیا گیا جبکہ عالیہ کامران کی جانب سے بل میں پیش کی گئی ترامیم مسترد کردی گئیں
فرنٹیئر کانسٹیبلری ری آرگنائزیشن بل کی منظوری کے عمل کے دوران اپوزیشن نے احتجاج کیا، بل میں سید نوید قمر کی جانب سے پیش کی گئی ترمیم منظور ہوئی تو نوید قمر کی ترمیم پر ایم کیو ایم پاکستان کے ارکان نے احتجاج کیا اور ایوان سے واک آؤٹ کردیا، اپوزیشن کی جانب سے بل کی مخالفت اور شور شرابہ کیا گیا، شاہد خٹک نے کورم کی نشاندہی کی، گنتی کرانے پر کورم پورا نہ نکلا جس کے بعد قومی اسمبلی کا اجلاس غیر معینہ مدت کے لئے ملتوی کر دیا گیا۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026