وزیراعلیٰ خیبرپختونخوا سہیل آفریدی اور اسپیکر صوبائی اسمبلی کی مبینہ حراست: اپوزیشن نے قومی اسمبلی میں تحریکِ التوا جمع کرا دی

قومی اسمبلی میں اپوزیشن کے چیف وہپ ملک محمد عامر ڈوگر نے وزیراعلیٰ خیبرپختونخوا سہیل آفریدی، اسپیکر صوبائی اسمبلی بابر سلیم سواتی اور 6 ارکان قومی اسمبلی کی مبینہ حراست کے معاملے پر قومی اسمبلی کے قواعد و ضوابط کے رول 109 اور 110 کے تحت تحریکِ التوا جمع کرا دی ہے۔ تحریکِ التوا میں ایم این ایز امجد علی خان، جنید اکبر، فضل محمد خان، زبیر خان، حاجی امتیاز احمد چوہدری اور نسیم علی شاہ کے نام شامل ہیں۔ اپوزیشن نے نقطہ نظر اپنایا ہے کہ منتخب نمائندوں کی مبینہ حراست جمہوری اداروں کے امور اور عوامی نمائندگی پر سنگین سوالات اٹھاتی ہے، لہٰذا آئینی حقوق اور پارلیمانی استحقاق کے تحفظ کے لیے معمول کا ایجنڈا معطل کر کے ایوان میں اس معاملے پر فوری بحث کرائی جائے۔