پارلیمنٹ میں کفایت شعاری کے سخت اقدامات، گاڑیاں بند اور تنخواہوں میں کٹوتی

سپیکر قومی اسمبلی سردار ایاز صادق کی ہدایت پر قومی اسمبلی سیکرٹریٹ میں وزیر اعظم میان شہباز شریف کی کفایت شعاری مہم کے تحت وسیع پیمانے پر اقدامات نافذ کر دیے گئے ہیں۔

نوٹیفکیشن کے مطابق:

70 فیصد سرکاری گاڑیاں بند رکھی جائیں گی۔

اراکین کی دو ماہ کی تنخواہوں اور الاؤنسز میں 25 فیصد کٹوتی کی جائے گی۔

پارلیمانی وفود کے بیرون ملک دوروں پر مکمل پابندی عائد کی گئی ہے۔

گریڈ 20 اور اس سے اوپر کے افسران یا 3 لاکھ روپے سے زائد تنخواہ والے افسران کی دو دن کی تنخواہ قومی خزانے میں جمع کروائی جائے گی۔

سیکرٹریٹ میں تمام خریداری فوری طور پر بند، صرف ناگزیر روزمرہ ضروریات کیلئے محدود خریداری کی اجازت۔

اجلاس غروب آفتاب سے پہلے، اور 80 فیصد عملہ گھر سے ورچوئل ڈیوٹی انجام دے گا، اضافی الاؤنس نہیں دیا جائے گا۔

قائمہ کمیٹیوں کے اجلاس ورچوئل یا آن لائن منعقد ہوں گے، ہفتے میں صرف 4 ورکنگ ڈیز رکھے جائیں گے۔

بجلی کے استعمال میں 70 فیصد کمی اور غیر ضروری لائٹس و برقی آلات بند۔

کیفے ٹیریاز کے یوٹیلیٹی بلز میں بھی 70 فیصد بچت۔

روایتی اخراجات میں کمی کے لیے پیپر لیس ورکنگ اپنائی جائے گی۔

یہ اقدامات قومی اسمبلی کے بجٹ اور وسائل کی بچت کو یقینی بنانے اور کفایت شعاری کو فروغ دینے کے لیے کیے گئے ہیں۔