ناسا نے مریخ کی حیرت انگیز ٹائم لیپس ویڈیو جاری کر دی

امریکی خلائی ادارے ناسا (NASA) نے اپنے ‘سائیکی مشن’ (Psyche Mission) کے دوران حاصل کی گئی مریخ کی ایک سحر انگیز ٹائم لیپس ویڈیو جاری کر دی ہے، جس میں سرخ سیارے کے وہ مناظر دکھائے گئے ہیں جو پہلے کبھی اس انداز میں سامنے نہیں آئے تھے۔ سائیکی سپیس کرافٹ نے مئی 2026 میں سیارچوں (Asteroids) کی پٹی کی طرف اپنے سفر کے دوران مریخ کی کششِ ثقل کو استعمال کرنے کے لیے اس کے قریب سے گزرت ہوئے ہزاروں تصاویر لیں۔ ناسا کی جانب سے ان تصاویر کو جوڑ کر بنائی گئی ویڈیو میں مریخ ابتدا میں ایک نئے چاند کی مانند نظر آتا ہے اور بعد میں اس کی سطح اور برفانی قطبِ جنوبی کا تفصیلی منظر پیش کرتا ہے۔ سائنسدانوں کے مطابق اس مشن کے ‘امیجر انسٹرومنٹ’ نے بہترین کارکردگی کا مظاہرہ کیا ہے، جبکہ یہ خلائی جہاز 2029ء میں اپنے اصل ہدف یعنی ‘سائیکی’ نامی سیارچے تک پہنچے گا۔