این اے 168 ضمنی انتخاب: غیر سرکاری نتائج کے مطابق ن لیگ نے میدان مار لیا

پنجاب کے ضلع بہاولپور کے قومی اسمبلی کے حلقے این اے 168 (NA-168) میں ہونے والے ضمنی انتخاب کے تمام 292 پولنگ اسٹیشنز کے مکمل غیر سرکاری و غیر حتمی نتائج سامنے آ گئے ہیں۔ غیر سرکاری نتائج کے مطابق پاکستان مسلم لیگ (ن) کے امیدوار ملک منیر اقبال چنڑ 79 ہزار 306 ووٹ حاصل کر کے شاندار کامیابی حاصل کرنے میں کامیاب ہو گئے ہیں۔

ان کے مقابل آزاد امیدوار ولی داد چیمہ 42 ہزار 623 ووٹ حاصل کر کے دوسرے نمبر پر رہے۔ اس حلقے میں ضمنی انتخاب کے لیے صبح 8 بجے شروع ہونے والی پولنگ کا عمل بلا تعطل شام 5 بجے تک جاری رہا، جبکہ مقررہ وقت ختم ہونے کے بعد بھی پولنگ اسٹیشنز کی حدود میں موجود ووٹرز کو اپنا حقِ رائے دہی استعمال کرنے کی اجازت دی گئی۔ واضح رہے کہ این اے 168 کی نشست مسلم لیگ (ن) کے رکنِ قومی اسمبلی ملک محمد اقبال چنڑ کے انتقال کے باعث خالی ہوئی تھی۔