چھوٹے یونٹس سے لوگ اپنی مرضی سے انتظامی سربراہ منتخب کر سکیں گے، مصطفیٰ کمال

وفاقی وزیر اور ایم کیو ایم پاکستان کے سینئر رہنما مصطفیٰ کمال نے انتظامی اصلاحات پر زور دیتے ہوئے کہا ہے کہ ملک میں نئے اور چھوٹے صوبے بنائے جانے چاہئیں تاکہ عوام اپنے نمائندوں کے ذریعے انتظامی سربراہ منتخب کر سکیں اور کارکردگی بہتر نہ ہونے کی صورت میں انہیں تبدیل کیا جا سکے۔ اپنے ایک بیان میں انہوں نے کہا کہ انتظامی یونٹس کو چھوٹا کرنے سے نہ صرف گورننس کے مسائل حل ہوں گے بلکہ عوام کی شفاف انداز میں نمائندگی بھی ممکن ہو سکے گی۔

وفاقی وزیر مصطفیٰ کمال کا کہنا تھا کہ شہریوں تک ان کی دہلیز پر بنیادی سہولیات کی فراہمی ہی درحقیقت بہترین حکومت (گڈ گورننس) کا اصل معیار ہے، اور اس مقصد کے حصول کے لیے ایک بااختیار اور مضبوط بلدیاتی نظام کلیدی کردار ادا کرتا ہے۔ انہوں نے مزید کہا کہ صرف مضبوط، خود مختار اور مستحکم ادارے ہی ملک کو پائیدار معاشی و سماجی ترقی کی راہ پر گامزن کر سکتے ہیں۔