نئے صوبوں سے کراچی کے مسائل حل ہوں گے: مصطفیٰ کمال

وفاقی وزیر مصطفیٰ کمال نے کراچی میں ایک تقریب سے خطاب کرتے ہوئے انتظامی یونٹس اور صحت کے شعبے میں بنیادی اصلاحات پر زور دیا ہے۔ انہوں نے مثال دیتے ہوئے کہا کہ بھارت نے انتظامی آسانی کے لیے 9 صوبوں کو بڑھا کر 38 کر دیا جبکہ ہم اب بھی چار صوبوں پر اٹکے ہوئے ہیں، نئے صوبوں کی تشکیل سے کراچی کے دیرینہ مسائل کا مستقل حل ممکن ہے۔

مصطفیٰ کمال نے انکشاف کیا کہ وہ قومی شناختی کارڈ (CNIC) پر ملک گیر ہیلتھ کوریج دینے کے منصوبے پر کام کر رہے ہیں، جس سے صرف 210 ارب روپے میں عوام کو صحت کی سہولیات فراہم کی جا سکیں گی۔ انہوں نے سندھ میں بلدیاتی نااہلی اور بدعنوانی پر شدید تنقید کرتے ہوئے کہا کہ ماضی میں بحیثیت میئر کراچی انہوں نے 300 ارب روپے کے ترقیاتی کام کروائے تھے، لیکن آج شہر میں بنیادی سہولیات کی عدم دستیابی اور انتظامی غفلت کے باعث ناخوشگوار سانحات جنم لے رہے ہیں۔