ملتان ٹرین حادثہ، ڈاؤن ٹریک بحال، ٹرینوں کی آمد و رفت شروع

ملتان میں پیش آنے والے ریلوے حادثے کے بعد ریلوے حکام نے فوری ریسکیو اور مرمتی کارروائیاں مکمل کرتے ہوئے ڈاؤن ٹریک کو ٹرینوں کی آمد و رفت کے لیے کامیابی کے ساتھ بحال کر دیا ہے۔

ڈی ایس ریلوے ملتان ڈویژن خالد خان کے مطابق ڈاؤن ٹریک پر حادثے کا شکار ہونے والی ‘رحمان بابا ایکسپریس’ کی تمام بوگیوں کو ہٹا کر ٹریک کو کلیئر کر دیا گیا ہے، جس کے بعد اب اپ اور ڈاؤن دونوں سمتوں کی ٹرینوں کی آمد و رفت اسی ڈاؤن ٹریک کے ذریعے شروع کر دی گئی ہے۔

ڈی ایس ریلوے نے مزید بتایا کہ حادثے کے نتیجے میں اپ ٹریک کو جزوی نقصان پہنچا تھا جس کی مرمت اور بحالی کا کام تیزی سے جاری ہے۔ ریلوے حکام کے مطابق جب تک اپ ٹریک کی مرمت کا کام مکمل ہو کر اس کی مکمل بحالی یقینی نہیں بنائی جاتی، تب تک ملتان سیکشن پر تمام اپ اور ڈاؤن ٹرینوں کی روڈ پرواز اور نقل و حرکت ڈاؤن ٹریک سے ہی جاری رکھی جائے گی۔