ایم کیو ایم اور ن لیگ کا آزاد کشمیر انتخابات میں مشترکہ حکمتِ عملی اپنانے اور اتحادی امیدواروں کی حمایت کا اعلان

ایم کیو ایم پاکستان کے سینئر رہنما فاروق ستار نے بہادر آباد مرکز میں پاکستان مسلم لیگ (ن) کے وفد اور صدر ن لیگ سندھ بشیر میمن کے ساتھ مشترکہ پریس کانفرنس کرتے ہوئے اعلان کیا ہے کہ آزاد کشمیر کے انتخابات میں ایم کیو ایم اور ن لیگ کا باہمی اشتراکِ عمل برقرار رہے گا۔ انہوں نے کہا کہ 2024 کے عام انتخابات کی طرح اب بھی دونوں جماعتیں اتحادی ہیں اور آزاد کشمیر کے الیکشن میں طاقت جوڑنے سے مشترکہ امیدواروں کی کامیابی ممکن ہو سکے گی۔ فاروق ستار کا کہنا تھا کہ آزاد کشمیر میں منفی پروپیگنڈے کا خاتمہ کر کے سیاسی و جمہوری عمل کو مضبوط بنایا جا رہا ہے، جبکہ مہاجرین کی نشستوں پر سیدہ صائمہ فرید الیکشن مہم چلا رہی ہیں۔