LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

پی ٹی آئی کو پاکستان مخالف بیانیہ بنا کر سیاست نہیں کرنے دیں گے، ایم کیو ایم پاکستان

Web Desk

28 December 2025

گورنر سندھ کامران ٹیسوری نے کہا ہے کہ پاکستان تحریکِ انصاف (پی ٹی آئی) کو پاکستان مخالف بیانیہ بنا کر سیاست کرنے کی اجازت نہیں دی جائے گی، اگر انکوائری ہوئی تو یہ سب کے لیے مسئلہ بنے گی۔ ان کا کہنا تھا کہ پی ٹی آئی کا موجودہ بیانیہ دہشت گردی کے زمرے میں آتا ہے اور بیرونِ ملک، خصوصاً برطانیہ میں، ملک کے خلاف کی جانے والی باتیں انتہائی تشویشناک ہیں۔

ایم کیو ایم پاکستان کے دیگر رہنماؤں کے ہمراہ پریس کانفرنس کرتے ہوئے گورنر سندھ نے کہا کہ اوورسیز پاکستانی والدین اپنے بچوں کی سرگرمیوں پر کڑی نظر رکھیں اور انہیں ایسے منفی پروپیگنڈے سے دور رکھیں۔ انہوں نے کہا کہ پی ٹی آئی کا بیانیہ ملک میں دفن ہو چکا ہے، اب بیرونِ ملک مقیم پاکستانیوں کو ورغلایا جا رہا ہے۔ ان کا کہنا تھا کہ فیلڈ مارشل کو قتل کی دھمکیاں کسی صورت برداشت نہیں کی جائیں گی اور جو بھی پاکستان کے خلاف بیانیہ بنائے گا، اس کی مخالفت کی جائے گی۔

کامران ٹیسوری نے مزید کہا کہ پی ٹی آئی کا نفرت انگیز بیانیہ زیادہ دیر نہیں چلے گا اور ان کے ساتھ مذاکرات نہیں ہونے چاہئیں۔ انہوں نے مطالبہ کیا کہ پی ٹی آئی کے کارکنان بانی سے لاتعلقی کا اظہار کریں۔

اس موقع پر چیئرمین ایم کیو ایم پاکستان اور وفاقی وزیر خالد مقبول صدیقی نے کہا کہ گورنر سندھ نے ایک نہایت اہم مسئلے کی نشاندہی کی ہے۔ ان کا کہنا تھا کہ پی ٹی آئی کا موجودہ لب و لہجہ ملکی تاریخ میں پہلے کبھی نہیں دیکھا گیا۔ پی ٹی آئی کو چاہیے کہ وہ شخصیت پرستی سے بالاتر ہو کر وطن کے لیے کھڑی ہو۔

خالد مقبول صدیقی نے کہا کہ ایم کیو ایم نے حکومت میں شمولیت کے لیے واضح شرائط رکھی تھیں جن میں اختیارات کی نچلی سطح تک منتقلی شامل تھی۔ انہوں نے بتایا کہ گزشتہ 15 سال میں سندھ حکومت کو 22 ہزار ارب روپے ملے، جن میں سے 11 ہزار ارب روپے کراچی کے حصے کے تھے، مگر سوال یہ ہے کہ ان میں سے کیا 11 ارب روپے بھی کراچی پر خرچ ہوئے؟

انہوں نے مزید کہا کہ کراچی کو دانستہ طور پر گھٹنوں پر لانے کی کوشش کی جا رہی ہے۔ وفاقی حکومت سے مدد طلب کی گئی مگر سندھ حکومت کی جانب سے رکاوٹیں ڈالی جا رہی ہیں۔