ایم کیوایم کا وفاقی کابینہ کے اگلے اجلاس میں احتجاج کا فیصلہ

متحدہ قومی موومنٹ (ایم کیو ایم) پاکستان نے وفاقی کابینہ کے آئندہ اجلاس میں حکومت کے خلاف احتجاج کرنے کا فیصلہ کیا ہے۔

یہ فیصلہ ایم کیو ایم پاکستان کے چیئرمین ڈاکٹر خالد مقبول صدیقی کی صدارت میں منعقدہ ایک اہم اجلاس کے دوران کیا گیا۔ اجلاس میں وفاقی حکومت کی دو سالہ کارکردگی، حکومتی یقین دہانیوں اور وزیراعظم سے ہونے والی ملاقاتوں کے ثمرات پر تفصیلی مشاورت کی گئی۔

اجلاس کے دوران ایم کیو ایم کے ارکان نے شدید تحفظات کا اظہار کرتے ہوئے کہا کہ وفاقی حکومت کی جانب سے طے شدہ اور قابلِ عمل امور کو بھی مسلسل نظرانداز کیا جا رہا ہے۔ وعدوں پر عملدرآمد نہ ہونے کی وجہ سے پارٹی قیادت نے اب وفاقی کابینہ کے اگلے اجلاس میں اپنا احتجاج ریکارڈ کرانے کا حتمی فیصلہ کیا ہے۔