کوہ پیما ماؤنٹ ایورسٹ کے گلیئشرز کو پگھلانے کا باعث بن رہے ہیں، حیران کن انتباہ

ماحولیاتی تحقیق کاروں نے ایک حیران کن مطالعے میں خبردار کیا ہے کہ دنیا کی بلند ترین چوٹی ماؤنٹ ایورسٹ سر کرنے والے کوہ پیما اور ان کا عملہ نیپال کے ‘کھمبو گلیشیئر’ پر واقع بیس کیمپ کی برف کو شدید نقصان پہنچا رہے ہیں۔ ریسرچ جرنل ریجنل انوائرنمنٹل چینج میں شائع ہونے والی تحقیق کے مطابق بیس کیمپ میں روزمرہ ایندھن کا استعمال اور گلیشیئر پر براہِ راست انسانی پیشاب (یورین) سالانہ 2,500 ٹن سے زائد برف اور گلیشیئرز کو پگھلانے کا سبب بن رہا ہے۔ گرمیوں کے موسم میں ہزاروں کوہ پیماؤں، گائیڈز اور سپورٹنگ اسٹاف کی آمد سے بیس کیمپ ایک عارضی بستی کا روپ دھار لیتا ہے، جہاں ایسپریسو کیفے، لارج سکرین ٹی وی، ہائی سپیڈ انٹرنیٹ اور گرم شاورز جیسی تجارتی سہولیات فراہم کی جاتی ہیں، جو ماحولیاتی نقطۂ نظر سے تباہ کن ثابت ہو رہی ہیں۔