موٹروے ایم 5 پر لیموں سے بھرا مزدا الٹ گیا، ایک بھائی جاں بحق، دوسرا زخمی
Web Desk
26 June 2026
موٹروے ایم-5 پر تیز رفتاری کے باعث لیموں سے بھرا مزدا ڈالا بے قابو ہو کر سڑک سے نیچے جا گرا، جس کے نتیجے میں ایک نوجوان جاں بحق اور اس کا سگا بھائی شدید زخمی ہو گیا۔ ریسکیو 1122 کے مطابق، یہ افسوسناک حادثہ موٹروے ایم-5 پر پول نمبر 733 کے قریب پیش آیا، جہاں تیز رفتاری کے باعث مزدا کا ڈرائیور گاڑی پر قابو نہ رکھ سکا اور گاڑی سڑک کنارے الٹ گئی۔ ریسکیو حکام نے بتایا کہ حادثے کا شکار ہونے والی گاڑی میں دو سگے بھائی سوار تھے۔ گاڑی الٹنے کے نتیجے میں 26 سالہ عصمت اللہ سر پر شدید چوٹ لگنے کے باعث موقع پر ہی دم توڑ گیا، جبکہ اس کا بڑا بھائی 30 سالہ اسد اللہ شدید زخمی ہو گیا۔ حادثے کی اطلاع ملتے ہی ریسکیو 1122 کی امدادی ٹیمیں فوری طور پر موقع پر پہنچ گئیں اور زخمی اسد اللہ کو ابتدائی طبی امداد فراہم کرنے کے بعد نشتر ہسپتال منتقل کر دیا۔ جاں بحق ہونے والے نوجوان عصمت اللہ کی لاش کو بھی ضروری قانونی کارروائی کے لیے نشتر ہسپتال منتقل کیا گیا ہے۔ موٹروے پولیس اور مقامی انتظامیہ نے واقعے کا مقدمہ درج کر کے حادثے کی اصل وجوہات جاننے کے لیے باقاعدہ تحقیقات کا آغاز کر دیا ہے۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026