ماسکو، اسلام آباد میڈیا فورم: پاک، روس تعلقات کو نئی سطح پر لے جانے کا عزم

روسی دارالحکومت میں منعقدہ “ماسکو، اسلام آباد میڈیا فورم” میں دونوں ممالک کے درمیان تیزی سے فروغ پاتے ہوئے تزویراتی (Strategic) اور اطلاعاتی تعاون پر سیر حاصل گفتگو کی گئی۔ یہ فورم وزیرِاعظم شہباز شریف کے آئندہ دورۂ روس کے تناظر میں منعقد ہوا، جو صدر ولادیمیر پوتن کے ساتھ ان کی پانچویں اہم ملاقات ہوگی۔ فورم میں اعلان کیا گیا کہ وزیرِاعظم کے دورے کے موقع پر ‘پاک روس بزنس فورم’ منعقد ہوگا جس میں 100 سے زائد پاکستانی کمپنیاں شرکت کریں گی۔ روسی وزارتِ خارجہ کی ترجمان ماریہ زخارووا اور پاکستانی سفیر فیصل نیاز ترمذی نے کثیر القطبی عالمی نظام میں دونوں ممالک کے اشتراک کو خطے کے استحکام کے لیے ناگزیر قرار دیا۔