پاکستان، ترکیہ، سعودی حکام کا دورہ امریکی دھمکیوں کے بے اثر ہونے کا ثبوت ہے: محسن رضائی

ایرانی سپریم نیشنل سکیورٹی کونسل کے سیکرٹری محسن رضائی نے کہا ہے کہ پاکستان، ترکیہ اور سعودی عرب کے حکام کے باہمی دورے اس بات کا واضح ثبوت ہیں کہ خطے پر امریکی دھمکیوں کا کوئی اثر نہیں ہوا۔

محسن رضائی نے اپنے ایک بیان میں کہا کہ پاکستان، ترکیہ اور سعودی عرب خطے کے مسائل کا حل باہمی تعاون میں تلاش کرنے پر پختہ یقین رکھتے ہیں، اور خطے میں پائیدار سلامتی کا قیام صرف اور صرف علاقائی ممالک کے باہمی اشتراک سے ہی ممکن ہے۔ انہوں نے مزید کہا کہ علاقائی ممالک کے درمیان تعاون کا یہ اہم عمل بہت پہلے شروع ہو جانا چاہیے تھا، اور مغربی ایشیا میں امن و استحکام کی اصل ذمہ داری باہر کی طاقتوں کے بجائے خطے کے اپنے ممالک کے ہاتھوں میں ہونی چاہیے۔