ایم این ایز کا این ڈی ایم اے ہیڈکوارٹرز کا دورہ، مون سون پر بریفنگ
Web Desk
12 March 2026
اراکین قومی اسمبلی نے نیشنل ڈیزاسٹر مینجمنٹ اتھارٹی (این ڈی ایم اے) کے ہیڈکوارٹرز میں قائم نیشنل ایمرجنسی آپریشن سینٹر (این ای او سی) کا دورہ کیا جہاں انہیں آفات سے نمٹنے کے حوالے سے اقدامات پر بریفنگ دی گئی۔
چیئرمین این ڈی ایم اے لیفٹیننٹ جنرل انعام حیدر ملک نے وفد کو مون سون 2026 کے لیے کیے گئے پیشگی اقدامات اور آگاہی کے نظام سے متعلق تفصیلی بریفنگ دی۔ اس موقع پر نیشنل ایمرجنسی آپریشن سینٹر کی تکنیکی صلاحیتوں اور اس کے دائرہ کار سے بھی آگاہ کیا گیا۔
وفد کو پاکستان اور دیگر ممالک کو درپیش ممکنہ خطرات پر مبنی ڈیزاسٹر رسک 2026 کے حوالے سے بھی بریفنگ دی گئی جبکہ موسمیاتی تبدیلی کے اثرات، ممکنہ خطرات اور پانی کی قلت سے متعلق تحقیقی رپورٹ بھی پیش کی گئی۔
این ڈی ایم اے کی موبائل ایپلیکیشن اور پیشگی آگاہی کے نظام کے بارے میں بھی تفصیلی جائزہ پیش کیا گیا۔ بریفنگ میں بتایا گیا کہ این ڈی ایم اے جدید ماڈلز اور ٹولز کا استعمال کرتے ہوئے نہ صرف ملک میں پیشگی آگاہی کے نظام کو بہتر بنا رہا ہے بلکہ دوست ممالک کو بھی ممکنہ آفات اور خطرات سے متعلق معلومات فراہم کر رہا ہے۔
اراکین قومی اسمبلی نے آفات سے نمٹنے اور خطرات کے تدارک کے لیے این ڈی ایم اے کے جدید اور مربوط نظام کو سراہا۔
متعلقہ عنوانات
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز
19 November 2026
شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر
19 November 2026
ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ
19 November 2026
خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ
19 November 2026
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026