امریکی ریاست مسی سی پی میں فائرنگ، 6 افراد ہلاک

امریکی ریاست مسی سی پی کے شہر ویسٹ پوائنٹ میں فائرنگ کے واقعے میں 6 افراد ہلاک ہوگئے۔

امریکی میڈیا کے مطابق پولیس نے فائرنگ کرنے والے شخص کو حراست میں لے لیا ہے۔ ابتدائی معلومات کے مطابق فائرنگ شہر کے تین مختلف مقامات پر کی گئی، جبکہ تحقیقات ابھی جاری ہیں۔

کاؤنٹی شیرف ایڈی اسکاٹ نے فیس بک پر جاری بیان میں کہا کہ، “بدقسمتی سے آج رات ہمیں اپنی کمیونٹی میں ایک المیے کا سامنا کرنا پڑا، تاہم کمیونٹی کو اب کسی خطرے کا سامنا نہیں ہے۔”

حکام نے ہلاک ہونے والوں کی شناخت یا فائرنگ کے مزید تفصیلات ابھی جاری نہیں کی ہیں، اور تحقیقات جاری ہیں تاکہ واقعے کے محرکات سامنے آ سکیں۔