عمران خان کی آنکھ خراب ہونے پر مشی خان کی جذباتی ویڈیو وائرل

اداکارہ مشی خان کی تازہ وائرل ویڈیو سوشل میڈیا پر مداحوں کے لیے ایک جذباتی لمحہ بن گئی ہے۔ ویڈیو میں مشی خان اپنی آبدیدہ حالت میں دکھائی دے رہی ہیں اور عمران خان کی ایک آنکھ کی 85 فیصد بینائی چلے جانے پر افسردہ نظر آرہی ہیں۔

مشی خان نے اپنی ویڈیو میں کہا کہ ’’خان صاحب کی آنکھ، کتنا دُکھ ہورہا ہے۔ کسی کی آنکھ کسی کی غفلت کی وجہ سے اس کی بینائی چلی جائے۔‘‘ انہوں نے یہ بھی کہا کہ ’’بار بار بتانے کے باوجود بھی کسی نے انھیں مناسب میڈیکل سہولت نہیں دی۔ کسی کی بینائی چلے جانا کوئی عام بات نہیں ہے۔‘‘

اداکارہ نے نام لیے بغیر کہا، ’’آپ کیسے ظالم لوگ ہیں۔‘‘ اس ویڈیو پر صارفین نے مشی خان کو دلاسا دیتے ہوئے کمنٹس کیے اور مداحوں نے ان کی جذباتیت کو سراہا۔