آزاد کشمیر میں شرپسندی پھیلانے والوں کیخلاف کشمیریوں نے دوٹوک مؤقف اپنا لیا
Web Desk
4 July 2026
آزاد جموں و کشمیر میں شرپسندی اور بدامنی پھیلانے والے عناصر کے خلاف غیور کشمیری عوام نے دوٹوک مؤقف اپنا لیا ہے۔ آزاد کشمیر کے صنعتی شہر میرپور کی مختلف شاہراہوں اور اہم چوک چوراہوں پر کالعدم جوائنٹ ایکشن کمیٹی کے خلاف بڑے پیمانے پر پوسٹرز آویزاں کر دیے گئے ہیں، جنہیں ریاست میں امن و استحکام کے حق میں عوامی مؤقف کا واضح اظہار قرار دیا جا رہا ہے۔
ان پوسٹرز پر “کالعدم ایکشن کمیٹی نامنظور” کے واشگاف نعرے درج ہیں۔ پوسٹرز کے ذریعے یہ دعویٰ کیا گیا ہے کہ آزاد کشمیر کے غیور عوام انتشار اور بدامنی پھیلانے والے عناصر کے مذموم ایجنڈے کو یکسر مسترد کرتے ہیں اور ریاست میں ہر قیمت پر امن و امان برقرار رکھنے کے خواہاں ہیں۔
پوسٹرز میں کشمیری عوام کی جانب سے عزم ظاہر کیا گیا ہے کہ آزاد جموں و کشمیر کے شہری کسی بھی بیرونی یا اندرونی عنصر کو ریاست کا پرامن ماحول تباہ کرنے کی اجازت نہیں دیں گے، اور ایسے تمام عناصر کی بھرپور مخالفت جاری رکھیں گے جو بدامنی اور افراتفری کو فروغ دینے کی کوشش کر رہے ہیں۔
پوسٹرز کے ذریعے یہ مؤقف بھی سامنے آیا ہے کہ آزاد کشمیر کے عوام نے ماضی کی طرح اب بھی کالعدم جوائنٹ ایکشن کمیٹی کے منفی بیانیے کو رد کر دیا ہے اور وہ ریاست میں مستقل امن، ترقی، استحکام اور قانون کی بالادستی کے ساتھ مضبوطی سے کھڑے ہیں۔
متعلقہ عنوانات
ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل
17 November 2026
کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار
17 November 2026
پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال
17 November 2026
جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ
17 November 2026
گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ
17 November 2026
عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن
17 November 2026
میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا
17 November 2026
ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ
17 November 2026