میر رضا کیس: شہریوں سے معلومات کیلئے نمبر اور ای میل جاری

کراچی: میر رضا کیس کی شفاف اور جامع تحقیقات کو آگے بڑھاتے ہوئے جوڈیشل کمیشن نے عوام الناس اور شہریوں سے رابطے کے لیے واٹس ایپ نمبر اور آفیشل ای میل ایڈریس جاری کر دیا ہے۔

جوڈیشل کمیشن کے جاری کردہ اعلامیے کے مطابق، کیس سے متعلق کسی بھی قسم کی معلومات، شواہد یا مواد رکھنے والے شہری کمیشن کو براہِ راست آگاہ کر سکتے ہیں تاکہ تحقیقاتی عمل کو مزید شفاف اور مؤثر بنایا جا سکے۔ شہری واٹس ایپ نمبر 03213850889 کے ذریعے اپنے بيانات یا شواہد بھیج سکتے ہیں۔

اس کے علاوہ کمیشن نے ای میل ایڈریس commission_mrc@shc.gov.pk بھی فراہم کیا ہے، جہاں شہری کیس سے متعلق اپنی تحریری معلومات اور دستاویزات ارسال کر سکتے ہیں۔ کمیشن حکام کا کہنا ہے کہ حاصل ہونے والی معلومات کو مکمل رازداری کے ساتھ تحقیقات کا حصہ بنایا جائے گا۔