مشرقِ وسطیٰ میں جنگ کی آگ پھیل گئی؛ ابوظہبی، بحرین اور کویت دھماکوں سے لرز اٹھے، امریکی اڈے نشانے پر

مشرقِ وسطیٰ میں صورتحال انتہائی بھیانک رخ اختیار کر گئی ہے۔ عرب میڈیا کے مطابق متحدہ عرب امارات کے دارالحکومت ابوظہبی اور کویت میں زوردار دھماکے سنے گئے ہیں جبکہ بحرین نے اپنی سرزمین پر حملوں کی باقاعدہ تصدیق کر دی ہے۔ بحرین کے الجفیر ایئربیس سے دھوئیں کے بادل اٹھ رہے ہیں جہاں امریکی بحریہ کے مراکز موجود ہیں۔ ایرانی حکام نے دوٹوک اعلان کیا ہے کہ خطے میں موجود تمام امریکی فوجی اڈے ان کا ہدف ہیں۔ کویت میں مسلسل سائرن بج رہے ہیں اور عوام میں شدید خوف و ہراس پایا جاتا ہے۔