مشرق وسطیٰ جنگ، سمیت ملک بھر سے بیرون ممالک جانے والی 101 پروازیں منسوخ

لاہور: مشرقِ وسطیٰ میں کشیدگی اور جنگی صورتحال کے باعث پاکستان بھر میں فضائی آپریشن بری طرح متاثر ہو گیا، جس کے نتیجے میں بیرونِ ملک جانے والی 101 پروازیں منسوخ کر دی گئیں۔

ایئرپورٹ ذرائع کے مطابق علامہ اقبال انٹرنیشنل ایئرپورٹ سمیت ملک کے 8 بڑے ایئرپورٹس سے متعدد بین الاقوامی پروازیں منسوخ ہوئیں، جبکہ لاہور میں پروازوں کی منسوخی کی سنچری مکمل ہو گئی۔منسوخ ہونے والی پروازوں میں ابو ظہبی، بحرین، شارجہ، کویت، قطر، ایران، عراق، آذربائیجان اور دبئی جانے والی پروازیں شامل ہیں۔ ذرائع کے مطابق مشرقِ وسطیٰ میں اچانک کشیدگی میں اضافے کے بعد صورتحال مزید خراب ہو گئی ہے۔ایئر لائنز نے مسافروں کو ہدایت کی ہے کہ ایئرپورٹ آنے سے قبل اپنی پروازوں سے متعلق مکمل معلومات حاصل کریں۔ لاہور، کراچی، اسلام آباد، پشاور، کوئٹہ، فیصل آباد، ملتان اور سیالکوٹ کے ایئرپورٹس پر سینکڑوں مسافر واپس گھروں کو لوٹ گئے۔مزید برآں، لاہور سے متحدہ عرب امارات کے لیے خصوصی پروازوں کا آغاز بھی دوبارہ معطل کر دیا گیا ہے، جبکہ گزشتہ 18 روز کے دوران ملک بھر سے تقریباً 2 ہزار پروازیں منسوخ ہو چکی ہیں۔