مشرقِ وسطیٰ فضائی بحران، روزانہ 500 ملین ڈالر نقصان،34 سو سے زائد پروازیں منسوخ

مشرقِ وسطیٰ میں جاری جغرافیائی کشیدگی نے عالمی ہوائی سفر کے سب سے بڑے مرکز کو ہلا کر رکھ دیا ہے۔ رپورٹس کے مطابق دبئی، ابوظہبی اور دوحہ سمیت 7 بڑے ایئرپورٹس پر آپریشنز شدید متاثر ہوئے ہیں، جہاں اب تک 3,400 سے زائد پروازیں منسوخ یا متبادل راستوں پر موڑ دی گئی ہیں۔ ایوی ایشن ماہرین نے خبردار کیا ہے کہ ایندھن کے اضافی اخراجات اور ری بکنگ کے باعث ایئر لائنز کو روزانہ 350 سے 500 ملین ڈالر کا ریونیو نقصان ہو رہا ہے۔ پاکستان سے جانے والی 200 سے زائد پروازیں بھی اس بحران کی لپیٹ میں آگئی ہیں، جس سے کارگو اور تجارت پر منفی اثرات مرتب ہو رہے ہیں۔